خود اپنی ذات کو اک پل میں رائیگاں لکھ دوں

خود اپنی ذات کو اک پل میں رائیگاں لکھ دوں

خود اپنی ذات کو اک پل میں رائیگاں لکھ دوں

میں آسماں پہ تِرا نام کہکشاں لکھ دوں

قلم کی نوک سے جو حرف بھی لکھا میں نے

ہر ایک حرف کو مضمون جامع لکھ دوں

عجیب ضد کہ رہوں چپ، کروں بیاں سب کچھ

میں یہ بھی مان لوں ہر شعر کو زباں لکھ دوں

برس نہ پائے گا بادل نئی رفاقت کا

تمہاری یاد اگر اپنا سائبان لکھ دوں

مِری طرح سے محبت کو کون چاہے گا

میں اپنے بعد محبت کو بے اماں لکھ دوں

فلک پہ، چاند ستاروں پہ ہاں لکھا دل پر

تمہارا نام بتاؤ میں اب کہاں لکھ دوں

کبھی کبھار تو مونا یہ جی میں آتا ہے

ہوا ہے کتنا مِری ذات کا زِیاں لکھ دوں