میں اِن ہواؤں کا ہمسفر ہوں

میں اِن ہواؤں کا ہمسفر ہوں

میں اِن ہواؤں کا ہمسفر ہوں

مجھے جانا ہے بہت دُو ر تک

میرا مشورہ ہے تجھ کو میرا ہمسفر نہ بن

میں ہوں بے نوا مسافر میرا ٹھکانہ نہیں دُور تک

تمہارے قدم کہیں تھک ہی نہ جا ئیں ر استے میں

میرے راستے پُر خار ہیں اِن پہ چلنا ہے بہت دُور تک

میں تو عادی ہوں کٹھن سفر کا میرا مشغلہ یہی ہے

تُو ہے نازک مزاج مشکل ہے چلنا تیرا دُور تک

تُو کِسی اور کی راہبری میں تلاش کر منز ل کو

میری منزل بہت دُور ہے مجھے جانا ہے بہت دُو ر تک

14:29 | 0 comments | Read More

اب تو لوٹ آؤ دوست

اب تو لوٹ آؤ دوست

اب تو لوٹ آؤ دوست

اے دوست میں اب بھی تیرا منتظر ہوں

کتنی برساتیں ائی بادل گرجے

میرے آنسووں کی جگہ

اپنی خاکِ رہ سے پوچھ میں اسے ذرا ذرا ازبر ہوں

کتنی راتیں بیت گئی

تجھے سوچتے سوچتے

ترے خواب دیکھتے دیکھتے

تجھے ڈھونڈ تے ڈھونڈتے

تو نے پوچھا ہے فلک پہ چمکتے تاروں سے

کس شام مری پلکوں پہ ستارے نہیں سجے

چاند سے پوچھنا،

کہ اس کے ساتھ جاگ جاگ کے

ویراں ہوچکا میں

میرے جذبات دھول ہو چکے

میرے خواب اجڑ چکے

کتنی شامیں میں نے ہاتھ کی انگلی سے

تیرا نام آسماں پہ لکھنے گزاری ہیں

ان ہواؤں سے پوچھنا

کس حوصلے سے میں نے

اس آنکھوں کے سمندر کو تھام رکھا ہے

کتنے موسم مرے آنگن میں اکیلے اترے

اور تیرا پوچھتے پوچھتے گزر گئے

کتنے جگنو تجھے دیکھنے کو میری چھت پہ ٹھہرے ہوئے ہیں

کتنی تتلیاں تیری رہ میں

اپنے پروں کی چمک سجائے کھڑی ہیں

اور میں !

کتنے دنوں سے اکیلا اور اداس ہوں

اب تو لوٹ آؤ دوست

میں اب بھی تیرا منتظر ہوں

23:50 | 0 comments | Read More

کچھ لوگ زمانے میں ایسے بھی ملا کرتے ہیں

کچھ لوگ زمانے میں ایسے بھی ملا کرتے ہیں

وقتِ کٹھن میں سایہ جو بنا کرتے ہیں

دیتے ہیں نفرت کے بدلے محبتوں کے ثمر

جہدِ مسلسل میں حوصلہ بھی دیا کرتے ہیں

جب کہیں ٹوٹ کر بکھرنے کا ہو مقام

ہاتھ رکھ کر کاندھے پہ مسکرا دیا کرتے ہیں

اِن سے ہی قائم ہیں دنیا کی رونقیں ساجد

ہر شخص کو اِک رُوپ میں یہ لوگ ملا کرتے ہیں

09:24 | 0 comments | Read More

اتنا کیوں پریشان ہے میری دیوانگی سے تو

اتنا کیوں پریشان ہے میری دیوانگی سے تو

جہاں میں اور بھی موجود کتنے ہی دیوانے ہیں

تیری خوشبو ، تیری باتیں، تیرا چہرا، تیری یادیں

چھپانے کو میرے دل میں ہزاروں قید خانے ہیں

اپنا آپ شاید میں وہیں پہ بھول آئی ہوں

جہاں تیرے میرے رستے مخالف سمت جانے ہیں

اس ہراساں دیپ کی مانند ہوں میں جس نے

ہجر کی آندھیوں کے حوصلے بھی آزمانے ہیں

بچھڑ کے تجھ کو بھی اکثر میری یادیں ستائیں گی

میراسم بھی تو تجھ سے جانِ جاں برسوں پرانے ہیں

( نیلم سہیل )

22:11 | 0 comments | Read More

تم سے کچھ نہیں کہنا

ہم نے سوچ رکھا ہے

چاہے دل کی ہر خواہش

زندگی کی آنکھوں سے اشک بن کے

بہہ جائے

چاہے اب مکینوں پر

گھر کی ساری دیواریں چھت سمیت گر جائیں

اور بے مقدر ہم

اس بدن کے ملبے میں خود ہی کیوں نہ دب جائیں

تم سے کچھ نہیں کہنا

کیسی نیند تھی اپنی،کیسے خواب تھے اپنے

اور اب گلابوں پر

نیند والی آنکھوں پر

نرم خو سے خوابوں پر

کیوں عذاب ٹوٹے ہیں

تم سے کچھ نہیں کہنا

گھر گئے ہیں راتوں میں

بے لباس باتوں میں

اس طرح کی راتوں میں

کب چراغ جلتے ہیں،کب عذاب ٹلتے ہیں

اب تو ان عذابوں سے بچ کے بھی نکلنے کا راستہ نہیں جاناں!

جس طرح تمہیں سچ کے لازوال لمحوں سے واسطہ نہیں جاناں!

ہم نے سوچ رکھا ہے

تم سے کچھ نہیں کہنا

12:53 | 0 comments | Read More

Garmi-e-Hasarat-e-Nakaam Se Jal Jaate Hain

Garmi-e-hasarat-e-nakaam se jal jaate hain 
Ham charagon ki tarah shaam se jal jaate hain 


Bach nikalate hain agar aatih-e-sayyad se ham 
Sholaa-e-aatish-e-gulafaam se jal jaate hain 


Khudanumaai to nahin shevaa-e-arabaab-e-vafaa
Jin ko jalanaa ho vo aaraaam se jal jaate hain 


Shamaa jis aag main jalatii hai numaaish ke liye 
Ham usii aag main gumanaam se jal jaate hain 


Jab bhii aataa hai meraa naam tere naam ke saath 
Jaane kyun log mere naam se jal jaate hain 


Rabtaa baaham pe hamain kyaa na nahenge dushman 
Aashanaa jab tere paigaam se jal jaataa hai 


Qteel Shifai

12:09 | 0 comments | Read More

ہمارا نام لکھنا اور پھر لکھ کر مٹا دینا

ہمارا نام لکھنا اور پھر لکھ کر مٹا دینا

ہمارا نام لکھنا اور پھر لکھ کر مٹا دینا

مِٹا کر نام پھر تم خاک بھی اسکی اڑا دینا

میں اڑتی خاک کو آنچل میں اپنے باندھ رکھوں گی

تم اپنے ہاتھ کی خوشبو ذرا اس میں بَسا دینا

ہماری فرصتیں دیکھو، فراغت کے پَلوں میں بھی

تمہارے نام کی شطرنج آنکھوں میں بچھا دینا

ہمیں تکلیف دیتے ہیں سب اُس کے فیصلے 
 جو دِل چاہے تو کرنا یاد، مَن چاہے بُھلا دینا

04:28 | 0 comments | Read More

ضروری تو نہیں وہ شخص ہی ساری حقیقت ہو

ضروری تو نہیں وہ شخص ہی ساری حقیقت ہو

ضروری تو نہیں وہ شخص ہی ساری حقیقت ہو

اسے اس شہر میں سب چھوڑ کر مجھ سے محبت ہو

رفاقت کے لیے بے تاب جو رہتا ہے مدت سے

بہت ممکن ہے میری ذات سے اس کو رقابت ہو

میری آنکھوں سے اپنا عکس وہ لے جائے گا فوراً

اسے حاصل اگر اس بات پر تھوڑی سی قدرت ہو

مسلسل خامشی سے بدگمانی دور نہ ہو گی

کہے اِک بار تو مجھ سے اُسے جو بھی شکایت ہو

محبت، خوبصورت دلنشیں احساس ہے لیکن

محبت کی عجب خواہش ہے ہر دل کو اذیت ہو

وہ سب کچھ بھول بھی جاؤ، کہا کل رات جو اس نے

ذرا سی بات پر طوفاں اٹھانا اس کی عادت ہو

اگر کچھ کر گزرنا ہے تو اس کو سوچ کر ٹھانو

کہیں ایسا نہ ہو اپنے کیے پر خود ملامت ہو

مسلسل رنجشیں مابین بڑھتی جا رہی ہیں کیوں

تمہیں شاید نہیں معلوم تم میری ضرورت ہو

میں ساری زندگی تپتے ہوئے صحرا کو دے دونگی

اگر اس ریت کی اس نام سے اک آدھ نسبت ہو

سزا منظور ہے مجھ کو محبت کی مگر پہلے

کوئی جرمِ محبت کا گناہ مجھ پر تو ثابت ہو

بُرا کاذب لکھا مونا چلو میں مان لیتی ہوں

مگر اس شہر کے لوگوں میں کوئی تو صداقت ہو

11:18 | 0 comments | Read More

خود اپنی ذات کو اک پل میں رائیگاں لکھ دوں

خود اپنی ذات کو اک پل میں رائیگاں لکھ دوں

خود اپنی ذات کو اک پل میں رائیگاں لکھ دوں

میں آسماں پہ تِرا نام کہکشاں لکھ دوں

قلم کی نوک سے جو حرف بھی لکھا میں نے

ہر ایک حرف کو مضمون جامع لکھ دوں

عجیب ضد کہ رہوں چپ، کروں بیاں سب کچھ

میں یہ بھی مان لوں ہر شعر کو زباں لکھ دوں

برس نہ پائے گا بادل نئی رفاقت کا

تمہاری یاد اگر اپنا سائبان لکھ دوں

مِری طرح سے محبت کو کون چاہے گا

میں اپنے بعد محبت کو بے اماں لکھ دوں

فلک پہ، چاند ستاروں پہ ہاں لکھا دل پر

تمہارا نام بتاؤ میں اب کہاں لکھ دوں

کبھی کبھار تو مونا یہ جی میں آتا ہے

ہوا ہے کتنا مِری ذات کا زِیاں لکھ دوں

07:50 | 0 comments | Read More

شاعری بھی عجیب دھوکہ ہے

شاعری بھی عجیب دھوکہ ہے

شاعری بھی عجیب دھوکہ ہے

اس کو مصرعہ کہا جو سوچا ہے

پھر بھی الفاظ میں بناوٹ ہے

صِدق جذبات میں ملاوٹ ہے

دِل کا سارا غُبار لکھ کر بھی

اُن کو دِلدار، یار لکھ کر بھی

سوچتی ہوں نہ کوئی پہنچانے

دِل کا اِک راز کوئی نہ جانے

میں نے لفظوں کا کھیل کھیلا ہے

ہجر کا دکھ اکیلے جھیلا ہے

تپتے صحرا کی راکھ پر چل کر

انکی یادوں میں رات دِن جل کر

خون دل سے سجائے ہیں مصرعے

تب کہیں اُن کو بھائے ہیں مصرعے

11:34 | 0 comments | Read More